अर्जेन्टिनाका सुपरस्टार लियोनल मेस्सीले आफ्ना पिता जर्ज मेस्सीको निधनपछि व्यावसायिक फुटबलबाट अनिश्चितकालका लागि विश्राम लिएका छन् ।
अन्तर्राष्ट्रिय सञ्चारमाध्यमका अनुसार मेस्सीले शोकको समयमा परिवारसँगै रहने निर्णय गर्दै तत्कालका लागि फुटबल गतिविधिबाट टाढिने बताएका छन् ।
फ्रेन्च खेल वेबसाइट फुट मर्काटोलाई उद्धृत गर्दै अर्जेन्टिनी सञ्चारमाध्यमहरूले मेस्सीले परिवारलाई प्राथमिकता दिँदै केही समय खेलबाट विश्राम लिन लागेको जनाएका छन् ।
६८ वर्षीय जर्ज मेस्सीको लामो समयदेखि स्वास्थ्य समस्या रहेको र अर्जेन्टिनाको रोसारियोस्थित एक क्लिनिकमा उपचारका क्रममा निधन भएको बताइएको छ ।
उनको निधनलाई मेस्सीका लागि ठूलो व्यक्तिगत क्षतिका रूपमा हेरिएको छ । जर्ज मेस्सीले लियोनलको फुटबल करिअर निर्माणमा महत्वपूर्ण भूमिका निर्वाह गरेका थिए । उनी छोराका पिता मात्र नभई लामो समयसम्म उनका एजेन्ट तथा रणनीतिक सल्लाहकारसमेत थिए ।
स्टिल कारखानामा सुपरभाइजरका रूपमा काम गरेका जर्जले पछि लियोनलको फुटबल करिअर व्यवस्थापनमा सक्रिय भूमिका निभाएका थिए । मेस्सीको प्रारम्भिक फुटबल यात्रा बाट अघि बढ्दा पनि जर्ज उनको करिअरमा निरन्तर साथमा थिए ।
मेस्सी १३ वर्षको उमेरमा स्पेनको को युवा एकेडेमीमा पुग्नुमा पनि जर्जको महत्वपूर्ण भूमिका थियो । बाल्यकालमा मेस्सी वृद्धि हर्मोनको कमीसम्बन्धी समस्याबाट पीडित थिए । बार्सिलोनाले उनको उपचार खर्च बेहोरेपछि उनको फुटबल करिअरले नयाँ मोड लिएको थियो ।
हाल अमेरिकी क्लब बाट खेलिरहेका मेस्सीले क्लबमा पुनः कहिले फर्किने भन्नेबारे कुनै निश्चित मिति सार्वजनिक गरेका छैनन् । उनका लागि अहिले परिवार र व्यक्तिगत परिस्थितिलाई प्राथमिकता दिएको देखिन्छ ।
जर्ज मेस्सीका परिवारमा पत्नी सेलिया कुचिट्टिनी तथा सन्तानहरू लियोनल, रोड्रिगो, माटियास र मारिया सोल रहेका छन् ।