१५ पटकको च्याम्पियन उरुग्वेलाई पराजित गर्दै कोलम्बिया कोपा अमेरिका फुटबलको फाइनलमा प्रवेश गरेको छ।
अमेरिकाको क्यारोलिनास्थित अफ नर्थ बैंक अमेरिका रंगशालामा भएको खेलमा कोलम्बियाले उरुग्वेलाई १-० गोलले हराएको हो।
पहिलो हाफको ३९औं मिनेटमा जेफ्रिसन लिर्माले गरेको गोल नै कोलम्बियालाई उपाधि नजिक पुऱ्याउन पर्याप्त बन्यो।
पहिलो हाफको अतिरिक्त समयमा कोलम्बियाका डानियल मुनोज रातो कार्ड पाउँदै मैदानबाट बाहिरिएपछि कोलम्बिया १० खेलाडीमा सिमित भएको थियो। त्यसपछि निकै आक्रामक खेल खेलेको उरुग्वेले गोल गर्न सकेन।
पछिल्ला २८ खेलमा अपराजित कोलम्बिया २३ वर्षपछि कोपा उपाधि जित्ने योजनामा छ। कोलम्बियाले २००१ मा पहिलो पटक कोपा जितेको छ।
कोलम्बियाले सोमबार उपाधिका लागि १५ पटकको विजेता अर्जेन्टिनाको सामना गर्नेछ।