एस्टन भिल्ला युरोपा कन्फ्रेन्स लिगको सेमिफाइनलबाट बाहिरिएको छ।
करैसकाकिस स्टेडियममा शुक्रबार राति सम्पन्न सेमिफाइनलको दोस्रो लेगमा घरेलु टोली ओलम्पियाकोससँग २-० गोल अन्तरले पराजित हुँदै भिल्ला प्रतियोगिताबाट बाहिरिएको हो।
समग्रमा भिल्ला ६-२ गोल अन्तरले पराजित भयो। पहिलो लेगमा भिल्ला ४-२ गोल अन्तरले पछि परेको थियो।
ओलम्पियाकोसको लागि दुवै गोल अयुब काबीले गरे। उनले खेलको १० र ७८औं मिनेटमा गोल गरेका थिए।
जितसँगै ओलम्पियाकोसले फ्लोरेन्टिनासँग फाइनलमा भेट पक्का गरेको छ । प्रतियोगिताको उपाधी भिडन्त ३० मे मा हुनेछ ।