भारतले आगामी अक्टोबरमा विश्वकप खेलेको राष्ट्रसँग अन्तर्राष्ट्रिय मैत्रीपूर्ण फुटबल खेल खेल्ने भएको छ ।
जानकारीअनुसार, भारतले केप भर्डेसँग ६ अक्टोबर २०२६ मा मैत्रीपूर्ण खेल खेल्ने विषयमा मौखिक सहमति भएको छ । सम्बन्धित स्रोतका अनुसार केप भर्डेले खेलका लागि आफ्नो तर्फबाट मौखिक पुष्टि गरिसकेको छ भने औपचारिक घोषणा भने चाँडै हुने अपेक्षा गरिएको छ ।
खेलको स्थान भने हालसम्म तय भएको छैन ।
केप भर्डेले आगामी फिफा विश्वकप २०२६ मा सहभागिता जनाएको थियो । त्यसैले भारतका लागि विश्वकपमा छनोट भएको टोलीविरुद्ध खेल्ने यो महत्वपूर्ण अन्तर्राष्ट्रिय मैत्रीपूर्ण खेल हुनेछ ।
खेलको औपचारिक पुष्टि, स्थान तथा अन्य विवरण सार्वजनिक हुन बाँकी छ ।