पिएसजी युईएफए च्याम्पियन्स लिगको फाइनलमा प्रवेश गरेको छ ।
बुधबार राति भएको दोस्रो सेमिफाइनलको दोस्रो लेगमा आर्सनललाई २-१ गोलले हराउँदै इन्टर समग्रमा ३-१ को जित निकाल्दै उपाधि नजिक पुगेको हो ।
पार्क देस प्रिन्सेसमा घरेलु टोली पिएसजीलाई जित दिलाउन फ्याबियन रूइज र हाकिमीले गोल गरे । आर्सनलका लागि बुकायो साकाले गोल फर्काए ।
खेलको २७औं मिनेटमा रूइजले गोल गर्दै पिएसजीलाई सुरूवाती अग्रता दिलाएका थिए । ७२औं मिनेटमा हाकिमीले टोलीको अग्रता दोब्बर पारे ।
७६औं मिनेटमा साकाले गोल फर्काए पनि हार टार्न सकेनन् ।
सेमिफाइनलको पहिलो लेगमा पिएसजीले आर्सनललाई १-० गोलले पराजित गरेको थियो । अब पिएसजीले उपाधिका लागि इन्टर मिलानसँग प्रतिस्पर्धा गर्नेछ । फाइनल मे ३१ मा हुनेछ ।