विश्व फुटबलको सर्वोच्च निकाय (फिफा) ले सार्वजनिक गरेको नयाँ वरियतामा नेपाल यथावत् रहेको छ ।
फिफाले बिहीबार सार्वजनिक गरेको नयाँ वरियतामा नेपाल १७५औं स्थानमा यथावत् रहेको हो ।
नेपालले केही साताअघि मात्र सिंगापुरसँग अन्तर्राष्ट्रिय मैत्रीपूर्ण र मलेसियासँग एशियन कप २०२७ अन्तर्गत तेश्रो तथा अन्तिम चरणको छनौटको पहिलो खेल खेलेको थियो ।
सिंगापुरविरुद्धको मैत्रीपूर्ण खेल जित्दै एतिहासिक जित निकालेको नेपाल मलेसियासँग भने पराजित भएको थियो । नेपाल दक्षिण एशियातर्फको वरियतामा तेश्रो स्थानहा यथावत् रहेको छ ।
यस्तै एक स्थान तल झर्दे १२७औं स्थानमा पुगेको भारत दक्षिण एशियातर्फ शीर्ष स्थानमा यथावत् रहँदा दुई स्थान तल झरेको माल्दिभ्स १६४औं स्थान ओगट्दै दक्षिण एशियातर्फको दोश्रो स्थानमा रहेको छ ।
विश्व च्याम्पियन अर्जेन्टिना विश्व वरियताको शीर्ष स्थानमा कायम रहँदा एक स्थान सुधार गरेको स्पेन दोश्रो स्थानमा उक्लिएको छ भने एक स्थान तल झरेको फ्रान्स तेश्रो स्थानमा रहेको छ ।