आईसीसी यू-१९ महिला टी-२०विश्वकप २०२५ खेल्ने नेपाली टोलीलाई बिदाई गरिएको छ । नेपाल क्रिकेट संघ (क्यान) ले शुक्रबार एक कार्यक्रमकाबीच नेपाली टोलीलाई बिदाई गरेको हो ।
कार्यक्रममा युवा तथा खेलकुद मन्त्री तेजुलाल चौधरी, क्यानका उपाध्यक्ष रोशन सिंह, सचिव पारस खड्का, क्यानका सदस्य तथा महिला सिनियर टिमकी कप्तान इन्दु बर्मा लगायतले शुभकामनासहित टोलीको बिदाई गरे ।
क्यानले केही साताअघि पुजा महतोको कप्तानीमा १५ सदस्यीय नेपाली टोली घोषणा गरेको थियो । नेपाली टोली विश्वकपमा भाग लिन पुस २७ गते मलेसिया प्रस्थान गर्ने तालिका रहेको छ ।
यू–१९ विश्वकप आगामी माघ ५ देखि २० गतेसम्म मलेसियामा हुँदैछ । उक्त प्रतियोगितामा १६ टोली सहभागी छन् । नेपाल समूह ‘डी’ मा रहेको छ ।
नेपालको समूहमा बङ्गलादेश, अस्ट्रेलिया र स्कटल्याण्ड समेत रहेका छन् । नेपालले पहिलो खेल माघ ५ गते बङ्गलादेशसँग खेल्ने छ । नेपालले दोस्रो खेल माघ ७ गते स्कटल्याण्डसँग तथा तेस्रो खेल माघ ९ गते अस्ट्रेलियासँग खेल्ने तालिका छ ।
नेपालको टोली:
पूजा महतो (कप्तान), साना प्रविन, ज्योत्सनिका मरासिनी, सोनी पाख्रिन (उपकप्तान), कुसुम गोदार, सावित्रा धामी, किरणकुमारी कुँवर, कृश्मा गुरुङ, रिया शर्मा, सिमाना केसी, स्नेहा महरा, रचना चौधरी, तृष्णा विक, अनु कडायत