भुटानमा जारी सेन्ट्रल एसिया भलिबल संघ (काभा) बिच भलिबल टुरमा महिलातर्फ नेपालका भावना डाँगी र सुनिता राईको जोडी फाइनल पुगेको छ ।
आइतबार सम्पन्न सेमिफाइनलमा यो जोडीले भारतका रेवती र श्वेताको जोडीलाई २१–१५, २४–२२ ले निरास बनायो ।
अब उपाधिका लागि यो जोडीले भारतकै पवित्रा र दीपिकाको जोडीसँग प्रतिस्पर्धा गर्नेछ ।
पवित्रा र दीपिकाको जोडीले नेपालका कमला पुन र कोपिला रानाको जोडीलाई २१–१६, २१–२४ ले हराउँदै फाइनल यात्रा तय गरेको हो ।
यसैगरी, कांस्य पदकका लागि कमला र कोपिलाको जोडीले रेवती र श्वेताको जोडीको सामना गर्नेछ ।