डि टु इभेन्ट्सको आयोजनामा रेड बुल राष्ट्रिय इन्डोर टी– १० क्रिकेट प्रतियोगिता शुक्रबारदेखि हुने भएको छ ।
प्रतियोगितामा २४ पुरुष टिमको सहभागिता रहने मंगलबार आयोजित पत्रकार सम्मेलनमा आयोजकले जानकारी गरायो ।
सहभागी टिमलाई ८ समूहमा विभाजन गरी लिग कम नकआउट आधारमा खेलाइने छ । प्रत्येक समूहको विजेता टोली सोझै क्वाटरफाइनलमा प्रवेश गर्ने छन् ।
मनमैजुस्थित एन्जल्स हार्ट नेसनल स्कुल र एन्जल्स हार्ट स्पोटर््स एकेडेमी एन्ड रिक्रिएसन सेन्टरको सहयोगमा हुने प्रतियोगिताको विजेताले १ लाख र उपविजेताले ५० हजार नगद पुरस्कार पाउने छन् । कुल पुरस्कार राशी २ लाख रुपैयाँ रहेको छ ।
पत्रकार सम्मेलनका अवसरमा ट्रफी पनि सार्वजनिक गरिएको थियो । एन्जल्स हार्ट स्पोटर््स एकेडेमी एन्ड रिक्रिएसन सेन्टरका अध्यक्ष खिम थापा, एन्जल्स हार्ट नेसनल स्कुलका प्रिन्सिपल टकबहादुर थापा र पावर्ड बाइ लेकाली जाभाका अध्यक्ष केनिश श्रेष्ठले ट्रफी सार्वजनिक गरे ।
तीनदिने प्रतियोगिताका खेलहरु चुनीखेलस्थित रोयल स्पोर्ट्स पार्कमा खेलाइने छ । आयोजकका अनुसार प्रतियोगताका सञ्चालन गर्न करिब १४ लाख रुपैयाँ खर्च हुनेछ ।