भारतमा जारी इण्डियन प्रिमियर लिग (आइपिएल) अन्तर्गत आज एक खेल हुँदै छ ।
आज लखनउ सुपर जाइन्ट र मुम्बई इण्डियन्सबीच खेल हुँदै छ । लखनउमा हुने यो खेल साँझ ७: ४५ बजेदेखि शुरु हुने छ ।
जारी आइपिएलमा ३-३ खेल खेलेका लखनउ र मुम्बईले एक एक खेल जितेका छन् भने २-२ खेलमा हार बेहोरेका छन् ।
मुम्बईले पहिलो खेलमा चेन्नई सुपर किंग्ससँग हार बेहोरेको थियो भने दोस्रो खेलमा गुजरातसँग पराजित भएको थियो । त्यस्तै तेस्रो खेलमा मुम्बईले कोलकोतालाई पराजित गरेको थियो ।
त्यसैगरी, पहिलो खेलमा दिल्लीसँग हारेको लखनउले दोस्रो खेलमा सनराइजर्स हैदरावादलाई पराजित गरेको थियो । त्यस्तै तेस्रो खेलमा पञ्जाव किंग्ससँग हार बेहोरेको थियो ।