नेपालकी टेबलटेनिस खेलाडी सेलिशा खड्गीको निधन भएको छ ।
टेबलटेनिस प्रशिक्षक राकेश महर्जनको अनुसार लामो समयदेखि पेटको क्यान्सरले पिडित सेलिशाको शुक्रबार निधन भएको हो । ३० वर्षीया सेलिशाको शुक्रबारै किर्तिपुरमा अन्त्यष्टि गरिएको छ।
सेलिशाले नेपालको प्रतिनिधित्व गर्दै सन् २००९ मा भारतको जयपुरमा भएको ओएजिसी दषिण एसियाली जुनियर टेबलटेनिस च्याम्पियन्सीपमा सेलिशाले नेपाललाई काश्य पदक दिलाएकी थिइन् ।
सन् २०१५ मा थाइल्यान्डको पटायामा भएको एसियन टेबलटेनिस च्याम्पियन्सीप र सन् २०१६ मा भारतको गुवाहाटी र सिलोङमा भएको १२ औं दक्षिण एसियाली खेलकुद (साग) मा उनले सहभागिता जनाएकी थिइन् ।