घरेलु टोली वेस्ट इन्डिजले ३ टी२० श्रृंखलाअन्तर्गत पहिलो खेलमा दक्षिण अफ्रिकालाई पराजित गरेको छ।
शुक्रबार सम्पन्न खेलमा वेस्ट इन्डिज २८ रनले विजयी भएको हो। वेस्ट इन्डिजले दिएको १७६ रनको लक्ष्य पछाएको पाहुना टोली अफ्रिकाले १९.५ ओभरमा सबै विकेट गुमाउँदै १४७ रन मात्रै बनाउन सक्यो।
अफ्रिकाका ओपनर रीजा हेन्ड्रिक्सले सर्वाधिक ८७ रनको अर्धशतकीय इनिङ्स खेले पनि हार टार्न सकेनन्। म्याथ्यू ब्रेट्जकेले १९ रन र कप्तान हेन्ड्रिक भ्यान डर डुसेनले १७ रन बनाउनुबाहेक अन्यले दोहोरो अंकमा रन जोड्न सकेनन्।
अफ्रिकालाई कम स्कोरमा रोक्न घरेलु टोली वेस्ट इन्डिजका लागि म्याथ्यू फोर्ड र गुडाकेश मोती समान ३३ विकेट लिँदा ओबेदले २ विकेट हात पारे।
त्यसअघि पहिले ब्याटिङ गरेको घरेलु टोली वेस्ट इन्डिजले निर्धारित २० ओभरमा ८ विकेट गुमाउँदै १७८ रन बनाएको थियो।
वेस्ट इन्डिजका लागि कप्तान तथा ओपनर ब्रान्डन राजाले ४५ बलमा ७९ रनको अर्धशतकीय इनिङ्स खेले। यस्तै काइल मेयर्स २५ बलमा ३४ रन बनाएर आउट हुँदा रोस्टन चेस ३२ रनमा अविजित रहे।
अब यी दुई टोली बीचको अर्को खेल मे २६ र २७ मा हुनेछ।