भारत र श्रीलंकामा जारी आईसीसी टी-२० विश्वकप २०२६ मा आज पनि तीन खेल हुँदैछ ।
आज समुह ए अन्तर्गत नामिबिया र नेदरल्याण्डसबीच भारतको दिल्लीमा यो खेल हुदैछ । यो खेल नेपाली समय अनुसार बिहान ११: १५ बजेदेखि शुरु हुदैछ ।
नामिबियाले यस विश्वकप आफ्नो पहिलो खेल खेल्दैछ भने नेदरल्याण्डसले आफ्नो पहिलो खेलमा पाकिस्तानसँग पराजित भएको थियो ।
त्यस्तै आजको दोस्रो खेल समुह डी अन्तर्गत न्यूजील्याण्ड र युएईबीच खेल हुदैछ । यो खेल भारतको चेन्नईमा नेपाली समय अनुसार दिउसो ३:१५ बजेदेखि शुरु हुदैछ ।
यो युएईको यस विश्वकपको पहिलो खेल खेल्दैछ भने न्यूजील्याण्डले पहिलो खेलमा अफगानिस्तानलाई पराजित गरेर विजयी शुरुवात गरेको थियो ।
त्यसैगरी आजको तेस्रो खेल समुह ए अन्तर्गत पाकिस्तान र अमेरिकाबीच खेल हुदैछ । श्रीलंकाको कोलम्बोमा हुने यो खेल नेपाली समय अनुसार साँझ ७:१५ बजेदेखि शुरु हुदैछ ।
यस प्रतियोगितामा पहिलो खेलमा पाकिस्तानले नेदरल्याण्डसविरुद्ध जित हासिल गरेको थियो भने अमेरिका भारतसँगको खेलमा हार बेहोरेको थियो ।