बायर्न म्युनिख जर्मन बुन्डेसलिगामा एफसी युनियन बर्लिनसँग बराबरीमा रोकिएको छ ।
शीर्ष स्थानको बार्यनलाई शनिवार बर्लिनले १-१ को बराबरीमा रोकेको हो ।
बर्लिनकोमैदानमा बायर्नका लागि लेरोय सानेले गोल गरे । घरेलु टोलीका लागि भने बेनेडिक्ट होलरबाचले गोल गरे ।
खेलको ७५औं मिनेटमा बायर्नका सानेले टोलीलाई अग्रता दिलाएका थिए । तर, त्यसको ८ मिनेट पछि बर्लिनका होलरबाचले बराबरी गोल फर्काए ।
बराबरी पछि बायर्न २६ खेलमा ६२ अंकका साथ शीर्ष स्थानमा यथावत छ । बर्लिन समान खेलमा २७ अंकका साथ १३औं स्थानमा छ ।
लिगअन्तर्गत शनिबार भएका अन्य खेलमा आरबी लिपजिङले बरुसिया डर्टमन्डलाई २-० ले, बरुसिता मोन्चेनग्लाडवाचले वेर्डर ब्रेमनलाई ४-२ ले र अक्सबर्गले उल्भबर्गलाई १-० ले पराजित गर्यो ।