जारी शहीद स्मारक ‘सी’ डिभिजन लिग फुटबलमा खालीबारी युवा क्लब विजयी भएको छ ।
सातदोबाटोस्थित एन्फा मुख्यालयमा बुधबार सम्पन्न पहिलो खेलमा खालीबारीले मनोहरा युनाइटेडलाई १-० गोलले पराजित गरेको हो ।
खालीबारीलाई जित दिलाउन मनिष गुरुङले खेलको एक मात्र र निर्णायक गोल गरे। पहिलो हाफ गोलरहित बराबरीमा सकिएको खेलको ९० औं मिनेटमा मनिषले गोल गरे ।
जितसँगै १२ खेलबाट १७ अंक जोडेको खालीबारी चौथो स्थानमा उक्लिएको छ । पराजित मनोहरा समान खेलमा १५ अंकसहित आठौं स्थानमा झरेको छ ।