काठमाडौं । राष्ट्रिय खेलकुद परिषद् (राखेप) द्वारा आयोजित १४औं केन्द्रीयस्तरीय राष्ट्रपति रनिङ सिल्डको भलिबलमा लुम्बिनी र बागमती च्याम्पियन बनेका छन् ।
लुम्बिनीले छात्र तथा बागमतीले छात्रामा स्वर्ण चुमे । दुवै टोलीले गण्डकीलाई पराजित गरे ।
त्रिपुरेश्वरस्थित राखेपको कभर्डहलमा भएको छात्र फाइनलमा लुम्बिनीले गण्डकीलाई २५-१७, २५-१४, १९-२५,२५-१९ ले पराजित गर्यो । कर्णाली तेश्रो भयो ।
छात्राको उपाधि भिडन्तमा बागमतीले गण्डकीलाई २५-१३, २५-१४ ,२५-१४ को सोझो सेटमा हरायो । लुम्बिनी तेश्रो स्थानमा रह्यो ।